Everest Gautam

अमेरिका टेक्सास– नेपाली म:म, चिया, सेल रोटि, पानि-पुरी, चट्पटे, सेकुवा, छोयला लगायतका परिकार पकाउँदै- बेच्दै गरेका स्थानीय नेपाली रेस्टुरेन्टहरु, अर्को पट्टि मंचमा शिव परियार अनि फिरोज श्याङ्ग्देन (1974AD) र ब्याण्ड को प्रस्तुति, मैदानमा मनोरंजनका लागि जादुदुगार, ‘स्टिल्ट वाल्कार’, घर पालुवा जनवारको चिडियाखाना, स-साना बाल-बच्चाहरुको लागि बाउन्स हाउस, म:म खाने प्रतियोगिता अनि खानाका स्टल र प्रवेश द्वारबाट कार्यक्रम स्थलमा छिर्नेहरुको घुइँचो रहेको थियोे। यो दृश्य: हालै अमेरिकाको टेक्सास आर्लिंगटन शहरमा सम्पन्न “म:म फेस्टिबल” थियो । स्थानीय “मम टू गो” कम्पनिको आयोजना र स्वत: स्फुर्त रुपमा जुटेका साथीहरुको समूहको ब्यबस्थापनमा सम्पन्न यस कार्यक्रममा, नेपाली र गैर नेपालीको लगभग उत्तिकै सहभागिता रहेको थियो। आर्लिंगटन शहरको बीच बाटो छेवैमा रहेको Levitt Pavilion/Founders Plaza पार्कमा भएको यस कार्यक्रममा ८ हजार भन्दा बढीको उपस्थिति रहेको थियो । उपस्थिति संख्याको आधारमा संबभतः यो नेपाल बाहिर आयोजना भएको अहिले सम्मकै ठुलो मध्यको एक नेपालीहरुको कार्यक्रम रहेको बताइएको छ।

अनलाइनमा गएर कार्यक्रम हुनु एक दिन अघि सम्ममा टिकेट लिएकाहरुलाई कार्यक्रममा प्रवेश निशुल्क गरिएको थियो। कार्यक्रमकै दिन टिकेट लिनेको हकमा दश डलर प्रति व्यक्ति तोकिएको थियो। दिउसो २ बजे शुरु भै राति ९ बजे सम्म चलेको यस कार्यक्रमलाई पूर्णरुपमा अमेरिकी तरिकाले पूर्व निर्धारित तालिका अनुसार समयमा शुरु गरि, समयमै सक्काईएको थियो। कार्यक्रम स्थलको सजावट गर्ने, प्रवेशद्वारमा टिकेट जाँच्ने, सुरक्षाका लागि प्रहरी र सुरक्षा गार्ड लगायतका जिम्मेबारी सबै गैर नेपालीले सम्हालेका थिए।

“सँधै नेपाली बिवाह, ब्रतबन्ध, दशैँ जस्ता एकैनासका कार्यक्रममा गएर वाक्क भएको थिएँ, आजको यो कार्यक्रम देखेपछि एकदमै नौलो र आनन्द लाग्यो।” – कार्यक्रमका एक सहभागी सन्तोष योगीले बताए । “अरु कार्यक्रम जस्तो भाषण पनि नाइँ, जता हेर्यो जे हेर्यो रमाइलो मात्रै” – उनले मुस्कुराउन्दै भने ।
कार्यक्रमका प्रायोजक अनि स्टल संचालक राजु छेत्रीले आयोजकलाइ यो बृहत कार्यक्रमको लागि धन्यबाद दिदै -“यो कार्यक्रमले अब अन्य नेपाली कार्यक्रम गर्नेहरुलाई पनि च्यालेंज थपिदिएको छ, स्ट्यान्डर्ड हाइ बनाइदिएको छ उनले भने।”

अमेरिकी कम्पनि कोका-कोला, स्थानीय आइटि कम्पनि टेकफायोस लगायतले कार्यक्रमको प्रयोजन गरेका थिए।सहभागीहरुको भोटको आधारमा स्थानीय “करी लिफ रेस्टुरेन्ट” ले “बेस्ट मोमो अफ डल्लास 2022” को उपाधि हात परेको थियो। त्यस्तै मोमो खाने दुवै प्रतियोगितामा गैर नेपालीले जित हासिल गर्न सफल भएका थिए।

लण्डन । प्रवासी नेपाली मंच (ओएनअफ) युकेको पुर्ण कार्यसमितिको बैठकले बेलायतभर इन्जार्च र १० विभागहरुको जिम्मेवारी तोकेको छ । ह्यारोस्थित सारस रेष्टुरेन्टमा 

तुङग भद्र भुसालको अध्यक्षतामा आइतबार बसेको बैठकले पदाधिकारीहरुलाई क्षेत्रसहित इन्चार्जको जिम्मेवारी दिइएको हो । जसअनुसार साइथ इस्टको इन्चार्जको जिम्मा उपाध्यक्ष सुरेश जंग शाह, रिडिङ र वेल्स इन्चार्जको जिम्मेवारी अर्का उपाध्यक्ष कृष्ण भण्डारी र स्कटल्याण्डको जिम्मेवारी अर्का उपाध्यक्ष तथा अर्थविद् डा. मुकुन्द बास्तोलालाई दिइएको छ । त्यस्तै, मिडल्याण्ड इन्चार्जमा उपसचिव गोविन्द सापकोटा, नर्थ वेस्ट इन्चार्जमा अर्का उपसचिव लिलामान सेरपुन्जा र अर्का उपसचिव कल्पना आंग्बाहांगलाई साउथ वेस्ट इन्चार्जको जिम्मेवारी दिइएको छ । 

पुर्ण कार्यसमितिको बैठकले १० वटा बिभाग समेत गठन गरि कार्यसमिति सदस्यहरुलाई जिम्मेवारी दिइएको अध्यक्ष भुसालले बताए । उनकाअनुसार संगठन विभाग प्रमुखमा बालकृष्ण भुसाल, उपप्रमुख तारानाथ भण्डारी र सचिव सुशिल खरेल छन । त्यस्तै, प्रचार प्रकाशन तथा प्रविधि विभाग प्रमुखमा श्याम लुईटेल र सचिवमा निर्देशन त्रिपाठी रहेका छन । आर्थिक विभाग प्रमुखमा पुण्य रेग्मी र उप प्रमुख अर्जुन चापागाई छन । त्यस्तै, संघ संस्था समन्वय तथा गोर्खा मामिला विभाग प्रमुखमा पशुपति पोखरेल, उप प्रमुख प्रेम गुरुङ र सचिव जयराम कंडेल र बुद्धिजीवि

 एवं बैचारिक अनुसन्धान विभाग प्रमुखमा लेखनाथ खरेल र उप प्रमुख गंगा क्षेत्री छन । त्यस्तै, पर्यटन तथा लगानी प्रवर्धन विभाग प्रमुखमा तिलक भट्टराई र उप प्रमुखमा बसन्त नेपाल छन् । युवा विद्यार्थी तथा अतिरिक्त क्रियाकलाप विभाग प्रमुखमा केदार थपलिया र उप प्रमुखमा मुकुन्द खरेल छन । नेपाली नागरिकता तथा कानुनी परामर्श विभाग प्रमुखमा बिदुर खत्री र उप प्रमुख दिवाकर पाण्डे छन । कला, सस्कृति विभाग प्रमुखमा प्रकाश कंडेल र उप प्रमुखमा रुपेश राउत छन् । त्यस्तैगरी, महिला बालबालिका तथा जेष्ठ नागरिक विभाग प्रमुखमा सुदेशा बजागाई, उप प्रमुखमा केशरी क्षेत्री र सचिवमा दुर्गा बानियाँ क्षेत्री छन । 

बैठकले प्रवासी नेपाली मंच अन्तरराष्ट्रिय कमिटिको काठमाडौंमा हुन लागेको अधिवेशनमा सर्वसम्मत रुपमा प्रतिनिधिहरु चयन गरेको छ । जसमा बेलायतबाट १५ जना प्रतिनिधिहरुले अन्तराष्ट्रिय कमिटिमा भाग लिन पाउने छन् । 

बैठकले आगामी १७ अक्टोबरमा आयोजना गरिएको दशैं तिहार शुभकामना साँझलाई थप ससक्त बनाउने सिंगो कार्यसमितिले लाग्ने निर्णय गर्दै उपस्थितिका लागि नेपाली समुदायलाई आव्हान गरेको छ ।

जिएनएन । बेलायतका राजा चार्ल्स तृतीयले राष्ट्रका नाममा सम्बोधन गरेका छन ।

उनले अहिले अमेरिकी पूर्वीय समय दिउसो १ बजे सम्बोधन गरेका हुन् । राजा चार्ल्स आजै मात्र स्कटल्याण्ड महलबाट लन्डन आएका हुन् ।

उनले सम्बोधन गर्दै भने, ‘आज म तपाईसँग गहिरो दुःखको भावनाको कुरा गर्छु । “उहा जीवन भर महारानी , मेरी प्यारी आमा, मेरो लागि र मेरो सम्पूर्ण परिवारको लागि प्रेरणा र उदाहरण हुनुहुन्थ्यो।”

महारानी एलिजाबेथको जीवन ओजस्वीपूर्ण रहेको थियो ,उनले भने । ७० वर्षभन्दा बढी समयसम्म मेरी आमाले रानीको रूपमा धेरै राष्ट्रका जनताको सेवा गरिन्,’ उनले थपे।

उनले अगाडी भने रानीले बलिदानहरू गरिन् र उनको समर्पण “परिवर्तन र प्रगतिको समयमा,आनन्द र उत्सवको समयमा, र उदासी र क्षतिको समयमा” बलियो रह्यो।

“महारानीले प्रेरित गरेको स्नेह, प्रशंसा र सम्मान उनको शासनकालको पहिचान बनेको छ,” उनले भने।

राजाको रूपमा आफ्नो पहिलो सम्बोधनमा आफ्नी आमा, महारानी एलिजाबेथ द्वितीयको मृत्यु पछि राजाको कर्तव्यहरू पालना गर्ने वाचा गरे। हाम्रो मूल्यमान्यता कायमै छ, र कायम रहनु पर्छ , उनले भने।

लण्डन, बेलायतस्थित नेपालीहरूको जेठो साहित्यिक संस्था  नेपाली साहित्य विकास परिषद यूकेद्वारा २०९औँभानु जयन्ती 

विविध साहित्यिक कार्यक्रमका साथ उत्साहवर्धकरूपमा मनाइयो ।    वेस्ट लन्डन,एक्टन स्थित ए बि आइ कलेजमा आयोजित 

उक्त समारोहमा पुस्तक विमोचन तथापुरस्कार वितरण  गर्नुहँदै समारोहका प्रमख परिषद्का पदेन संरक्षक महामहिम राजदूत ज्ञानचन्द्र आचार्यले नेपाली भाषा साहित्यको जागरण र 

सम्मान अभिबृद्धि गर्नमा आदिकवि भानुभक्तको योगदान गहन रहेको चर्चागर्नुका साथै नेपाली भाषा साहित्यको विकासमा 

नेपाली साहित्य विकास परिषद्को विशिष्ट योगदान रइतिहास रहेको चर्चा गर्नु भयो ।  आफ्ना सिर्जनाहरूद्वारा समाजलाई 

परिवर्तन तर्फ उन्नमुख गराउने सर्जकहरूको सम्मान गर्न पाउँदाखुसी लागेको चर्चा गर्नुहुँदै राजदूत आचार्यले डा. सुधा श्रेष्ठकोपुस्तक  थेम्सनदीका दूई किनारामा समेटिएका  कविताहरूले पनि सामाजिक चेतनाको विकासमा महत्वपूर्ण योगदान

 पु-याउने विश्वास व्यक्त गर्नु भयो ।

  समारोहमा सम्मान अभिनन्दन ग्रहण गर्नुहुँदै विशिष्ट अतिथि वरिष्ठ चलचित्र निर्देशक तथासङ्गीतकार किरण प्रधानले बेलायतको माटोमा आफूले पहिलो नेपाली चलचित्र कस्तुरी  बनाउँदाकोअनुभूतिहरू चर्चा गर्नुहुँदै परिषद्का संरक्षक महामहिम राजदूतबाट आज सम्मानित हुन पाउँदा आफूलाईहर्षानुभूति भएको छ भन्नु भयो ।  उहाँले यसरी कला साहित्य सङ्गीत क्षेत्रमा लागेका सर्जकहरूसलाई एकठाउँमा भेला गरेर उनीहरूले गरेका कामहरूको हेक्का राखेर कदर गर्नु भनेको समाजमा ठूलो प्रेरणा जगाउनु होजुन  कार्य गरेर नेपाली साहित्य विकास परिषद् यूके ले  बेलायती माटोमा  नेपाली पहिचान फलाउने फूलाउनेसराहनीय काम गरेको छ भन्नु भयो ।

समारोहमा आदिकवि भानुभक्त आचार्यको जीवनी बारे प्रकाश  पार्नुहुँदै परिषदका संस्थापक तथा निवर्तमान अध्यक्ष वरिष्ठ सहित्यकार सुरेशजङ्ग शाहले त्यसवेला अत्यन्त 

अविकसित समाज रहेकोइतिहासको त्यो कालखण्डमा आदिकवि भानुभक्तले नेपाली भाषामा जुन रामायणीय साहित्यको लहर चलाए त्यो आफैमा एक साहासिक कदम थियो र जसले नेपाली साहित्यको यात्रा तथा सामाजको चेतना र एकता 

जागरण गर्नमा महत्वपूर्ण योगदान पुयाएको चर्चा  गर्नु भयो । समारोहमा विमोचित पुस्तक थेम्स नदीका दूईकिनारा कवितासङ्ग्रहको समिक्षा गर्नुहुँदै  वरिष्ठ साहित्यकार शाहले जीवन र जगतको अन्तर सम्वन्ध रसम्वेदनशीलताको प्रसङ्ग कवयित्री डा.सुधा श्रेष्ठले आफ्ना कविताहरूमा मार्मिकरूपले  उठाएकी छन् भन्नुभयो ।           सभापतिको आसनबाट वोल्नुहुदै परिषदका अध्यक्ष वरिष्ठ कविकोमल प्रसाद श्रेष्ठ मल्लले नेपालीसाहित्य विकास परिषद यूकेले आफ्नो स्थापनाकाल सन् १९९५ देखि नै बेलायतमा भानु जयन्ती मनाउँदैआएको चर्चा गर्नुहँदै नेपाली पहिचान युगयुग 

सम्म जिवन्त राख्न हाम्रो भाषा साहित्य संस्कृति चिनारीहरू 

जोगाउदै लैजानु पर्ने औचित्य तर्फ प्रकाश पार्नुभयो ।             यसअघि सनारोहमा विमोचित आफनो  पुस्तक थेम्स नदीका दुई किनारा बारे बोल्नुहँदै लेखकपरिषद्की उपाध्यक्ष कवयित्री डा.सुधा श्रेष्ठले यस पुस्तकमा सङ्ग्रहित आफना कविताहरू जीवन र जगतकोअन्तर घुलनमा नया सोच र प्रेणाको जागरण हुनु पर्ने र  आज देशले भोक्न परेका विक्रित राजनीतिकबाट उब्जनी भएका पीडाहरू बाट उन्मुक्ति खोजेका छन् भन्न्नु भयो ।           आरम्भमा कार्यक्रमको सञ्चालन गर्नुहुँदै परिषद्का महासचिव वीरेन्द्र कुँवरले नेपाली साहित्यकासर्जक र सिर्जनाहरू उम्रने खेती बेलायती माटोमा विगत साढे दुई  दशक भन्दा बढी समय देखि परिषदले गर्दैआएको चर्चा गर्नु भयो । उहाँले  बेलायतमा साहित्यिक माहोलको सुरूवात गरेर नेपाली साहित्य विकास परिषदले एउटा संवेदन्शील अगुवाई गरेको इतिहासको चर्चा गर्नु भयो ।   आदि कवि भानुभक्त आचार्यको तस्बिरमा माल्यापर्ण र 

राष्ट्रीय गानबाट आरम्भ भएको समारोहमा परिषद्का पूर्व 

अध्यक्ष वरिष्ठ साहित्यकार कवि हरिसिँह थापाले भानुभक्तका रामायणका श्लोकहरू वाचनगर्नु भएको थियो । समारोहमा परिषद्का अध्यक्ष कोमल प्रसाद श्रेष्ठ मल्ल र उपाध्यक्ष डा. सुधा श्रेष्ठले परिषद्का पदेन संरक्षक महामहिम राजदूत ज्ञानचन्द्र आचार्यमा स्वागत सम्मान अभिनन्दन पत्र  र पुष्प गच्छाद्वारा सम्मान अर्पणगरिएको थियो । उक्त अवसरमाउपनियोग प्रमुख रोशन खनाललाई पनि पुस्पगुच्छाद्वारा सम्मान गरिएको थियो।    समारोहमा प्रमुख अतिथि परिषद्का संरक्षक महामहिम राजदूत ज्ञानचन्द्र आचार्यले हाल बेलायतकोभ्रमणमा रहनु भएका नेपालका वरिष्ठ चलचित्र निर्देश, लेखक, सङ्गीतकार, गायक डा.किरण प्रधानलाई  उहाँले चार दशक भन्दा बढी समय देखि नेपाली भाषा साहित्य, गीतसङ्गीत, कला चलचित्र आदिक्षेत्रमा पुयाउनु भएको प्रशंसनीय योगदानको कदर गर्दै नेपाली साहित्य विकास परिषद् यूकेद्वारा अर्पण गरिएको 

विशिष्टसम्मान  अभिनन्दन पत्रद्वारा सम्मान शुसोभन गर्नुभएको थियो ।  यसैगरी महामहिम राजदूत आचार्यले विगत साढे दुई दशक भन्दा बढी समयदेखि बेलायतमा नेपालीसाहित्यको समृद्धिमा निरन्तर योगदान पुयाउँदै आउनु भएकी सर्जक परिषद्की आजीवन सदस्य वरिष्ठकवयित्री हिन्दमैञा बैद्यलाई एनएलडिसी नेपाली साहित्य पुरस्कार र  र गीत सङ्गीत क्षेत्रमा निरन्तररूपमालागी परेर नेपाली साहित्य र गीतसङ्गीतको समृद्धिमा प्रशंसनीय योगदान पुयाउँदै आएका वरिष्ठ कलाकारगायक प्रमोद शर्मालाई एनएलडिसी साहित्य कला पुरस्कार र साथै  एनएलडिसी साहित्य सम्मान रजतवर्षअभिनन्दन पत्र  पुरस्कार समामन बेलायतमा लामो समय देखि सिर्जना र संस्थागत क्रियशिलताबाट नेपालीभाषा साहित्यको समृद्धिमा लागी पर्नुहुने परिषद्का सल्लाहकार कवि कृष्ण भट्ट, अन्तराष्ट्रीय साहित्यसमाजकी पूर्वअध्यक्ष कवयित्री साहित्यकार लक्ष्मी राई(लारा राई), विश्व नेपाली साहित्य महासंघका पूर्वमहासचिव कवि साहित्यकार केदार साङ्केत आदि सर्जकहरूलाई शुसोभन 

गर्नुभएको थियो । 

पुरस्कार सम्मान शुसोभन कार्यक्रम पछि प्रमुख अतिथि  परिषद्का संरक्षक महामहिम राजदूत ज्ञानचन्द्र आचार्य, उपनियोग प्रमुख रोशन खनाल, विशेष अतिथि वरिष्ठ निर्देशकसङ्गीतकार गायक किरणप्रधान, परिषद्का अध्यक्ष कोमल प्रसाद श्रेष्ठ मल्ल, महासचिव वीरेन्द्र कुँवर र स्वयम् 

लेखिकाका साथमा परिषद्की उपाध्यक्ष कवयित्री डा.सुधा 

श्रेष्ठद्वारा लेखित थेम्स नदीका दुई किनारा कविता सङ्ग्रह पुस्तकविमोचन गर्नु भएको थियो ।           कार्यक्रममा साहित्य चौतारिका संयोजक साहित्यकार वासु शर्माले आफ्ना मौलिक कृतिहरू  स्वाभिमान दुख्दैछ (मुक्तक संग्रह ),फेरि थेम्सकै किनारा कोशिकै सम्झना (कबिता संग्रह)५/५ प्रति पाठकवर्गकालागि परिषद्का  अध्यक्ष  कोमल मल्ललाई हस्तान्तरण गर्नु भएको थियो ।

कार्यक्रम सञ्चालन गर्नुहँदै परिषद्का महासचिव कवि वीरेन्द्र कुँवरले सामाजिक एकता र चेतनाको विकासमाभानुभक्तको साहित्यिक योगदान अत्यन्त महत्वपूर्ण रहेको चर्चा गर्नुभयो ।

दोस्रो चरणको कवि गोष्ठी कार्यक्रममा कविता वाचन गर्ने र 

वाचनकालागि कविता पठाउने कविकवयित्रीहरूमा  वसन्त 

रायक्षेत्री, हरिसिंह थापा,  बासु सापकोटा,केदार संकेत,

समिप जर्जर, गंगा लिगल , घनबहादुर थापा मगर, हिन्द मैया बैद्य, वीरेन्द्र कुँवर, डा. सुधा श्रेष्ट, कोमल मल्ल र सुरेश जंग शाह हुनुहुन्थ्यो ।

कार्यक्रमको अन्तमा  रमाइलो जलपान तथा धन्यवाद ज्ञापन गरिएको थियो। समारोहलाई सफल बनाउनआर्थिक तथा भौतिक सहयोग पुराउनुहुनेहरूमा डा. राघव प्रसाद धिताल, 

डा. सुधा श्रेष्ट, हिन्द मैया बैद्य, घनबहादुर थापा मगर,श्रीमती कृष्णा थापा मगर, ज्ञानेन्द्र राउत, कोहिनूर मल्ल, रमेश श्रेष्ठ,  

सितू खरेल,एबिआइ कलेजका प्रोप्राइर डाइरेक्टर कृष्ण भट्ट हुनुहुन्थ्यो ।

समारोह परिषद्का अध्यक्ष कोमल मल्लको सभापतित्वमा सम्पन्न भएको थियो ।

दिनेश कुमार परियार, लण्डन—

 लामो समय देखि लण्डनमा बसोबास गर्दै आएकी गायिका शर्मिला बर्देवाको नयाँगीत  “योमुटुको”  सर्बजनिक भएकोछ। युवागीतकार र बीमल्लले लेखेका र चर्चित युवा संगीतकार कल्याण सिंहको संगीतमा रहेको योमुटुको बोलको गीत शनिबार गायिका बर्देवाको आफनै युटयुव च्यानलबाट रिलिज गरिएको हो।

शर्मिला बर्देवा अफिसियल युटुब च्यानलबाट रिलिज भएको योमुटुको म्युजिक भिडियो निर्देशन भने बेलायतमै बसोबास गर्दै आएका चर्चित कलाकार तथा नृत्य निर्देशक प्रभु गुरुंगले गरेका छन्।भिडियोमा सलिना थापा मगर र सरोज केसी लगायत सुदेश गौचन र नरबहादुर गुरुंगको समेत अभिनय रहेकोछ। भिडियोको छायाँकन र सम्पादन दुवै सुमन श्रेष्ठले गरेका हुन।भिडियोको कलर ग्रेडिङ नवीन निरौलाले गरेका छन भने श्रृङ्गार पुस्पा गुरुङले गरेकी छिन्।एसबीवलर््डम्युजिकको व्यानरमा गायिका बर्देवाका श्रीमान सरोज परियारले भिडियोको निर्माण गरेका हुन।

थुप्रै म्युजिक भिडियोमा देखिएकी लोक प्रिय कलाकार सलिना थापा मगरले हालसालै मात्र सनम कुमार बैरागीद्धारा निर्देशित चलचित्र कैदीकोपत्रमा पनि अभिनय गरेकि छिन।पछिल्लो समयको सर्वाधिक लोकप्रिय सामाजिक संजाल टिकटोकमा धुममचाउन सफल कलाकार सरोज केसीको भने यो पहिलो डेब्युम्युजिक भिडियो अभिनय रहेकोछ।

कलाकार बर्देवा दुई दशक अघिदेखि आधुनिक,  लोक,  राष्ट्रियगीत लगाएत नेपाली सिनेजगतकी चर्चित तथा भर्सटाईल पाश्र्वगायिका समेत रहेकी छिन।उनले गाएका दर्जनौं लोकप्रिय गीतहरुमध्ये आँखैमा झलझली हितैको दौँतरी, फूलको जवाफ पत्थरले दिनेलाई,  मेरो हजुरलाई के दिउँनी भेट,  निलकाडाझै मनफुल्यो,  रक्सी बेचे आलुबेचे, सरसरअलिओर, हिउँचुलीमा हिउं,  लगायत पाश्र्व गायनमा आगो लाग्यो दिलैमा दमकल बोलाईदेउ, तस्वीरमै येस्तो,  बेहुली हुनेरहर,  कान्तिपुरिहोकि योहोप्रेमनगरी,  चोलीटीम्मिक्कै, सुनकोबिहानि, मनकिचरीउडिउडि, बेलाबज्योकताकता जस्ता सयौं भन्दा बढी गीत चर्चित छन्।

स्वदेश छाडेर बिदेशीयता पनि गयिका बर्देवाले आफ्नो संगीत र भाषालाई निरन्तरता दिदै आएकी छिन्। उनले आफ्नो स्वरले साथ दिइन्जेल क्रमशगीतहरु गाईनै रहने बताईन।

यस अघि २०७३ सालमा पनि सङीत्कार बसन्त सापकोटा र गीतकार नृपेश उप्रेतीको  “मेरोठुम्कामा”  बोलको गीतको म्युजिक भीडीयोको सार्वजनिक गरिएको थियो। पछिल्लो पटक सङीत्कार हरि लम्सालको सङीत अनि राजुबाबु श्रेष्ठको रचनामा थाहा छैन केकेपाए केकेगुमाए बोलको गितको भिडियो पनि गायिका बर्देवाको आफनै युटयुव च्यानलबाट रिलिज गरिएको थियो।

यी बाहेक प्रकाश्पूंजको सब्द र शिखर सन्तोषको सङीतमा मेरोमनमा बस,  डाक्टर दुर्गाबहादुर सुबेदिको शब्द अनि बिसिराईको सङीतमा फुलहरू फुल्न थाले जस्ता गितहरू बजारमा आएसकेका छन्।गायिका तथा संगीतकार मिरा रानाको गित फाटे सिउथे चौबन्दी मन सिउने धागो छैन,  संगीतकार तथा वरिष्ठ भायलिन बादक रूपक शाहि समुदाको सङीतमा चाहिदैन चाहिदैन,  रमाइलो जुनेलिरात लगायत हरिभक्त कटुवालको शब्दमा,  बनकुसुमको कुन्जभित्र बिरहीबोलको गितहरुको रेकर्डिङ कार्यसमापन भैसकेको र छिट्टै सार्वजनिक हुने जानकारी दिईन्।

सातसय भन्दा बढी गीतहरुमा आफ्नो आवाज दिइसकेकी शर्मिलाले शास्त्रीय गायनमा डिप्लोमा समेत गरेकी छन्।उनले नेपाली,  नेवारी,  मैथिली, भोजपुरी,  हिन्दी तथा पन्जाबी लगायतका अन्य भाषाहरूमा समेत आफ्नो आवाज दिईसकेकी छिन्। गायिका शर्मिला बर्देवाको नयाँगीत “यो मुटुको” …………….. https://youtu.be/O-vLuOOD5-k

गैर आवासीय नेपाली संघ युकेले आगामी ६ अगष्टमा बार्षिक साधारण सभाको आयोजना गर्ने भएको छ । वर्तमान कार्य समितीले पदभार ग्रहण गरेको ठिक १ बर्ष पुगेको दिन उक्त साधारण सभाको आयोजना गर्न लागिएको हो । वर्तमान कार्य समिती निर्वाचित भएर गत बर्षको ६ अगष्टमा पुरानो कार्य समितीबाट पदभार लिएको थियो ।

सामान्यतया यस अगाडीका कार्य समितीहरुले साधारण सभाको आयोजना गर्ने प्रचलन थिएन । बरु संघ संस्था प्रतिनिधी सभाको मात्र आयोजना गरिन्थ्यो । यस पटक संघ संस्थाका प्रतिनिधीहरुका अलावा गैर आवासीय नेपाली संघका पन्जिकृत सदस्यहरुलाई समेत बोलाएर साधारण सभा (अधिबेशन) आयोजना गर्न लागिएको छ । कार्य समिती जहिले पनि संघका सदस्यहरु प्रति उत्तरदायी हुनु पर्दछ अतः हामिले पन्जिकृत सदस्यहरु र बेलायतमा रहेको नेपाली संघ संस्था, ब्यापारी बुद्धीजिवीहरु तथा समाजका प्रबृद्ध बर्गलाई राखेर हामी यस अवधिमा गरेका कार्यहरुलाई प्रस्तुत गर्ने तथा आगामी कार्यदिशाका लागी उहाहरु बाटै सर सल्लाह लिने निती अनुरुप यसरी साधारण सभाको बोलाइएको हो । गैर आवासीय नेपाली संघ युकेका अध्यक्ष प्रेम गाहा मगरले भने ।

साधारण सभामा कार्य समितीको प्रतिबेदन, आर्थिक प्रतिबेदन, विधान तथा नितीगत विषयमा छलफल गरिने छ । अध्यक्ष प्रेम गाहा मगरका अनुसार साधारण सभामा गैर आवासीय नेपालीहरुका सरोकारको बिषयहरुमा विज्ञहरुलाई बोलाएर विषयगत छलफल गराईने छ । यसका लागि गैर आवासीय नेपाली संघ युकेले आफ्नो तयारी सुरु गरिसकेको कुरा अध्यक्ष गाहा मगरले जनाएका छन् ।

लन्डन । गैर आवासीय नेपाली संघ बेलायतले आफ्नो पञ्जिकृत सदस्य तथा नेपाली चलचित्रकी चर्चित नायिका मिरुना मगरमाथि अभद्र व्यवहार भएको भन्दै खेद प्रकट गरेको छ ।  नायिका मिरुना माथि अभद्र व्यवहार भएको प्रति आपत्ति जानाउदै त्यस्तो खाले व्यवहार रोक्न एनआरएनए यूकेद्वारा प्रेस बिज्ञप्ति जारी गरेको छ।

एनआरएनए यूके अध्यक्ष प्रेम गाहामगरले आइतबार लन्डन स्थित नेपाली दूतावासमार्फत नेपालका प्रधानमन्त्री शेरबहादुर देउवालाई पत्र लेखेर बेलायतको सुखसयल पूर्ण जीवनशैली छोडेर नेपाललाई कर्म थलो बनाएकी नायिका मिरुनामाथि केही दिनयता काठमाडौंमा भइरहेको दुर्व्यवहारप्रति आफ्नो गम्भीर ध्यानाकर्षण भएको जनाएका छन् । 

आफ्नो चलचित्र ’कबड्डी ४’ प्रदर्शनका क्रममा सिभिल मलको हलमा पुगेकी अभिनेत्री मिरुना मगरमाथि भएको ‘अभद्र व्यवहार’ घटनामा जोडिएका व्यक्तिलाई उनले माफी दिइसकेपछि पनि मिरुनाविरुद्ध सामाजिक सञ्जाल लगायत विभिन्न माध्यमबाट भइरहेका टिका टिप्पणी र आक्रमणप्रति हामी खेद व्यक्त गर्दछौं, पत्रमा भनिएको छ । 

गैर आवासीय नेपाली संघ यूकेका प्रत्यक सदस्यहरुविरुद्ध कार्यक्षेत्रमा हुने दुव्यर्वहार आफ्नो सरोकारको विषय र विदेशबाट ज्ञान सीप लिएर नेपाल फर्किएका नेपालीहरुको सम्मान एवं सुरक्षा गैर आवासीय नेपाली समुदायको साझा चासोको विषय रहेको पनि अध्यक्ष गाहामगरले उल्लेख गरेका छन् ।

‘हामी मिरुना लगायत विदेशबाट नेपालमा गएर नेपाली कला क्षेत्रमा योगदान दिइरहेका सबै कलाकारको सम्मान र सुरक्षाको व्यवस्था गर्न पनि हामी नेपाल सरकारसंग माग गर्दछौं’, पत्रमा छ, ‘साथै मिरुनाको उक्त घटनालाई लिएर कुनै पनि समुदाय वा धार्मिक सम्प्रदायबीच मतभेद बढाउने खालका गतिविधि नगर्न हामी सम्वद्ध सबै पक्षलाई आग्रह गर्दछौं । प्रेम गाहा मगर, अध्यक्ष, गैर आवासीय नेपाली संघ यूके,