Events

राजन कंडेल, अमेरिका
अमेरिका स्थित कालिफोर्नियाका विभिन्न संघ संस्थाहरुसंगको सहकार्यमा नेपाली नयां वर्षको उपलक्ष्यमा सान् फ्रान्सिस्कोमा गर्न लागेको “नेपाल डे परेड” को तयारी पुरा भएको आयोजकले जनाएको छ। परेड यहि अप्रिल ९ तारीख शनिबारका दिन बिहान ११ बजे सान् फ्रान्सिस्कोको फेरी बिल्डिंगबाट सुरु भएर सिभिक सेन्टरको यु एन प्लाजामा पुगेर कोण सभामा परिणत हुनेछ।
कार्यक्रममा अमेरिकाका विभिन्न राज्यहरुबाट र क्यालिफोर्नियाका विभिन्न सहरहरुबाट हजारौंको संख्यामा सहभागी हुने मूल आयोजक समितीका संयोजक एवं एनआरएनए अमेरिका वयस्ट कोस्ट रिजनका क्षेत्रिय अध्यक्ष श्रिराम थापाले जानकारी दिए। बाहिरबाट आउनुहुने पाहुनाहरुका लागी सान् फ्रान्सिस्को फाईनान्सियल डिस्ट्रिक्टमा रहेको होटेल हिलटनमा सुलभ मुल्यमा कोठाहरु बुकिंग गरिएको र विमानस्थलबाट पिक अप र ड्रप अफको समेत व्यवस्था गरिएको कार्यक्रमका हस्पिटालिटि एण्ड मेनेजमेन्ट संयोजक रवि सिंह बस्नेतले बताए।
एनआरएनए ले विभिन्न स्थानिय संघसंस्थाहरुसंग सहकार्य गरेर आयोजन गरेको कार्यक्रममा प्राय सबै संघसंस्थाहरुको प्रत्यक्ष संलग्नता रहने छ। विभिन्न संस्थाहरुले आफ्नो समुदाय अनुसार विभिन्न जातजाति, भाषा, धर्म र संस्कृति झल्काउने झांकी र भेषभुषा सहित परेडमा सहभागी हुने परेडको संघ संस्था संयोजन समितीका संयोजक उत्तम कार्किले जानकारी दिए।
सोही सांझ सान् फ्रान्सिस्कोकै युनाईटेड आईरिस कल्चर सेन्टरको हलमा सांस्कृतिक कार्यक्रम पनि आयोजना गरिने भएको छ। उक्त कार्यक्रममा भोईस अफ नेपाल सिजन ३का विजेता किरण गजमेर, दोहोरी गायक मिलन लामा, गायिका संगिता थापा मगर, गायक उदय भट्टराई लगायत अन्य स्थानिय कलाकारहरुको प्रस्तुति रहने सांस्कृतिक कार्यक्रमका संयोजक निर्मल फुयांलले बताएका छन । प्रवेश शुल्क ३० डलर कायम गरिएको छ् । टिकट www.thingsnepali.com बाट अनलाईन काट्न सकिने जानकारी कार्यक्रमका आई टी एवं डिजाईनिंग संयोजक अभिषेक ज्ञवालिले दिए। सांझमा सांस्कृतिक कार्यक्रमको साथै डिनरको पनि व्यवस्था गरिने भएको छ।
बिहानको परेड र सांझको सांस्कृतिक कार्यक्रमको कुल खर्च ३५ हजार डलर अनुमान गरिएको छ। खर्च व्यवस्थापन र सहयोग संकलनको लागि राजेश थापा, नारायण खनाल र प्रितेश कार्की सम्मीलित आर्थिक समितीले आवश्यक बजेटको ९० प्रतिशत संकलन गरिसकेको जनाएको छ ।

नेप्लिज ब्रिटिश कम्युनिटी यूके र कोडेक यूकेले संयुक्त रूपमा “नयॉं बर्ष शुभकामना आदान-प्रदान तथा युद्ध पिडीत सहयोग” कार्यक्रमको आयोजना गर्ने भएकोछ् ।

विश्वमा शान्ति र सहयोगको कामना गर्दै हाल युक्रेन युद्धबाट पिडीत सर्वसाधारण नागरिकहरुको सहयोगार्थ NBC-UK and Codec-UK को संयुक्त आयोजनामा नेपाली नयॉं बर्ष २०७९ तथा युद्ध पिडीत सहयोग साँझ आयोजना गर्ने भएकोछ । कार्यक्रम नितान्त “Charity Event” रहने र यस कार्यक्रमबाट संकलित सम्पूर्ण रकम यूक्रेनमा युद्धबाट प्रभावित सर्वसाधारणको सहयोगार्थ प्रदान गरिनेछ।

यूक्रेनमा द्वन्द्वबाट पिडीत विभिन्न समुदायहरु जीवन र मृत्युको दोसाँधमा विताईरहेका छन् । तिनै पीडितहरुको सहयोगार्थ यहि आउंदो अप्रिल १० तारिक, आईतबार सांझको ५ः३० बजे, Harrow Football Club, Earlsmead Stadium, Carlton Avenue, Harrow HA2 8SS लण्डनमा च्यारीटी कार्यक्रम गरिने भएकोछ। कार्यक्रमलाई अझै प्रभावकारी बनाउन नयां वर्ष विशेष सांस्कृतिक कार्यक्रम समेत प्रस्तुत गरिने NBC-UK तथा CODEC-UK द्वारा जारी प्रेस विज्ञप्तिमा उल्लेख गरिएकोछ । उक्त कार्यक्रमको अबधि करिव ४ घन्टाको रहनेछ। बेलायतमा रहेका विभिन्न संघ-संस्था, व्यवसायी, शुभ चिन्तक सबैमा कार्यक्रमको लागि सहयोग गरिदिनुहुन संस्थाले हार्दिक अनुरोध गरेको छ । यस कार्यक्रमलाई आर्थिक सहयोग गर्नको लागि NBC-UK (info@nbc-uk.org) वा Codec-UK (info@codec-uk.org) का कार्यसमितिका सदस्य संग सम्पर्क गर्न हार्दिक अपिल समेत गरेको छ।

उक्त कार्यक्रममा सहभागिताको लागि शुल्क २०पाउण्ड तथा बच्चाहरुको लागि १५ पाउण्ड राखीएकोछ। कार्यक्रममा सहभागि हुन www.buytickets.at/newyear2079 अनलाइन मार्फत टिकट खरिद गर्न सकिनेछ ।

मिलन शर्मा, लण्डन—

अन्तराष्ट्रिय काभ्रेपलाञ्चोक सेवा समाज मुख्य आयोजक तथा काभ्रे सेवा समाज सहआयोजक रहने गरी काभ्रे जिल्लाको आन्तरिक तथा अन्तराष्ट्रिय स्तरमा पर्यटन प्रवर्द्धन तथा विकाश गर्ने उद्देश्यले फोटोग्राफी प्रतियोगिता गरिने भएकोछ । प्रतियोगितामा सहभागी हुनका लागि फ़ोटो पठाउने अन्तिम मिति बैशाख ३१ सम्म रहेको छ भने प्रतियोगितामा विजयीको घोषणा जेष्ठ ८गते गरिनेछ । प्रथम पुरस्कार नेपाली रू २०हजार , दोश्रो पुरस्कार रू १५हजार , तेश्रो पुरस्कार रू १०हजार तथा प्रतियोगितामा पपुलर हुने फ़ोटोलाई रू ५ हजार पुरस्कार प्रदान गरिनेछ ।

च्यानल लण्डन,—

गैर आवासीय नेपाली संघ यूके इंग्ल्याण्ड राज्य समन्वय परिषदको आयोजना तथा NRNA UK, Woolwich Arsenal Riders Club (WARC), Help Nepal Network तथा Nepali Youth Association UK को सहयोग तथा सहकार्यमा नेपालमा हेल्प नेपाल नेटवर्कद्वारा संचालित अनाथ बाल-बालिकाको सहयोग केन्द्र र बुद्ध फाउण्डेसन यूके द्वारा नेपालमा निर्माणाधीन बुद्ध-बृद्धाश्रमको सहयोगार्थ, लन्डनको Woolwich बाट Brighton सम्म ( ११० किलोमिटर भन्दा बढी )

करिब २५ जना सहभागी Cycle Ride for Charity को समुद्घाटन गैर-आवासीय नेपाली संघ यूके कि अध्यक्ष श्रीमती पुनम गुरुङ्गबाट भएको छ ।

कार्यक्रममा एनआरएनए इंग्ल्याण्ड राज्य परिषद् तथा बुद्ध फाउन्डेसन यूके अध्यक्ष दीपक श्रेष्ठ, क्याट यूके अध्यक्ष जीवन सेन, ह्यारी गुरुङ्ग, प्रसुना कँडेल, मञ्जु भण्डारी, मनिस श्रेष्ठ, सचिन श्रेष्ठ लगायतको सहभागिता रहेको थियो ।

कार्यक्रममा फस्ट एड प्रसुना कँडेल तथा राजन खकुरालले उपलब्ध गराउने भएका छन भने खाना तथा ड्रिंक्सको व्यवस्था जीत रानाभाट तथा दीपक श्रेष्ठबाट गरिने जनाइएको छ ।

ह्यारी गुरुङ्ग तथा प्रसुना कँडेलबाट प्राप्त: फोटो फिचर-

च्यानल लण्डन,

बेलायतमा हुन लागेको राष्ट्रिय जनगणनामा नेपाली समुदायको सहभागिता बढाउने उद्देश्यले बृहत अन्तरक्रिया कार्यक्रमको आयोजना गरिने भएको छ ।

इङ्ल्यान्ड , वेल्स र नदर्न आयरल्याण्डमा मार्च २१ तारिखका दिन हुन गइरहेको जनगणनामा नेपाली समुदायको बढी भन्दा बढि सहभागीता तथा प्रभावकारी बनाउन साउथ ईस्ट तमुधी लन्डनले पहल गर्ने भएको छ ।
जनगणनाले समुदायको पहिचान,भाषा, धर्म लगायत आबश्यक सूचना एबं तथ्यांक समाबेस गराउनुका साथै समुदायको तस्वीर निर्माण गर्दछ । उक्त तथ्याङ्कको आधारमा स्थानीय क्षेत्रमा:- शिक्षा, यातायात, स्वास्थ्य लगाएतका सेवाहरु उपलब्ध गराउन थप मद्दत गर्दछ।

साउथ ईस्ट तमुधी लन्डनका निवर्तवान अध्यक्ष तथा संयोजक श्रीचन्द्र गुरुङले अन्तरक्रियामा बेलायत स्थित अधिकांश नेपाली संघसंस्थाका प्रतिनिधिलाई आमन्त्रण गरिएको जानकारी दिएका छन । वेलायतको समय अनुसार आइतबार बेलुकी ६ बजेका लागि तय गरिएको ‘भर्चुअल’ अन्तरक्रिया कार्यक्रममा सहभागी हुन परिषदले बेलायतवासी अधिकांश व्यक्ति, सामाजीक ब्यक्तित्व तथा संघसंस्थाका प्रतिनिधिहरुलाई आव्हान गरेको छ ।
उक्त अवसरमा ‘अफिस फर नेशनल स्टाटिस्टिक्स’ (ओएनएस) ग्रीनवीच क्षेत्रका ‘कम्युनिटी एड्भाइजर’ समिर गुरुङले जानकारी मूलक ‘प्रिजेन्टेसन’ तथा आवस्यक सल्लाह दिनेछन् ।

वेलायतमा हुन लागेको जनगणनामा नेपालीहरूकाे सहभागिता बढाउने लक्ष्य सहित ग्रीनविच पूर्व सैनिक गोर्खा संघ तथा इंग्ल्याण्ड राज्य समन्वय परिषद संग समन्वय गरिएको संयोजक तथा निवर्तवान अध्यक्ष श्रीचन्द्र गुरुङले जनाएका छन् । त्यस्तै गरी साउथ ईस्ट तमुधीका अध्यक्ष हिरा गुरुङले अन्तरक्रिया कार्यक्रममा बेलायत स्थित सम्पूर्ण संघ सस्था, समाजसेवी तथा अभियन्ताहरुलाई सहभागी हुन् हार्दिक अपिल गरेका छन्।

च्यानल लण्डन,

यही मार्च २१ तारिखमा हुन लागेको राष्ट्रिय जनगणनामा वेल्समा रहेका नेपालीहरुको सहभागिताका बारेमा वेल्समा अन्तरक्रिया सम्पन्न भएको छ । गैरआवासीय नेपाली संघ वेल्स राज्य समितिको आयोजनामा भएको सो कार्यक्रममा अक्सफोर्ड विश्वविद्यालयमा प्राध्यापनरत सेन्टर फर नेपाल स्टडिज (सिएनएस) युकेका डा. कृष्ण अधिकारीले बेलायतको कानुनअनुसार बसोबास गर्ने सबैले जनगणनामा भाग लिनैपर्ने र जनगणनामा भाग नलिइएको थाहा पाएमा १ हजार पाउण्डसम्म जरिवाना र कालोसूचीमा राखिन सक्ने बताए । जनगणनामा भरिएका विवरणहरु सरकारका कुनै पनि निकायले १०० वर्षसम्म हेर्न नपाउने कानुनले नै ग्यारेन्टी गरेकाले ढुक्क भएर फाराम भर्न अनुरोध गरे । जनगणना फाराम भर्दा इथ्निसिटी समूहमा र मुख्य भाषाको प्रश्नमा यताउती कतै अलमल नगरी ‘नेपाली’ लेख्न डा. अधिकारीले अपील गरे । ‘इथ्निसिटीको प्रश्नमा नेपाली नलेखी अन्यथा लेखिएमा आफ्नै खुट्टामा बन्चरो हान्नुसरह हो’ उनले भने । जनगणनाका बारेमा नेपाली समुदायबीच प्रचारप्रसार गर्न र सहयोग चाहिने समुदाय र परिवारलाई सहयोग गर्न अपील समेत उनले गरे । वेल्सका कम्ब्रान, ब्रेकन, आभरगाबेनी, कार्डिफलगायतका क्षेत्रमा बसोबास गर्ने नेपाली समुदायका नेतृत्वको उपस्थिति रहेको थियो । सहभागीहरुले जनगणनाका विविध प्रक्रिया र नेपाली समुदायले कसरी सहभागिता जनाउने भन्ने बारेमा जिज्ञासा राखेका थिए । ती प्रश्नहरुको जवाफ डा. अधिकारीले दिएका थिए ।

छलफलको सहजीकरण एनआरएनए युकेका उपाध्यक्ष रामचन्द्र पोखरेलले गरेका थिए। एनआएएनए वेल्स राज्यसमितिका अध्यक्ष कृष्ण भण्डारीले वेल्सका सबै नेपाली संस्थाहरुको प्रतिनिधि रहेको एक समूह बनाइ जनगणनामा नेपालीहरुको सहभागितालाई प्रभावकारी थप छलफल र सहकार्य गरिने बताए । स्थानीय संघसंस्थाको सहयोग नभई जनगणनाको कार्य सफलतापूर्वक सम्पन्न गर्न सम्भव नभएकाले सबैलाई जुट्न अनुरोध गरे । तमु प्ये ल्हु संघ युकेका अध्यक्ष मेजर खुशीमान गुरुङ, नेपलिज सोसाइटी वेल्सका अध्यक्ष नीरलाल मोक्तान, ब्रेकन नेपलिज कम्युनिटीका कार्यबाहक अध्यक्ष मेजर गुप्तमान गुरुङ, एनआरएनए वेल्स राज्य समितिका उपाध्यक्ष अमृत घले, वेल्स गोर्खा कम्युनिटी, कुम्ब्रानका अध्यक्ष खिम क्षेत्री, बद्री योङ्या, भोजनारायण रेग्मी, अमर मल्ल, पदम पुन, नेपाल पत्रकार महासंघ युकेका वरिष्ठ उपाध्यक्ष श्याम लुइँटेल, अध्यक्ष नरेश खपाङ्गी मगरलगायतले विभिन्न जिज्ञासा र सुझाव राखेका थिए ।

ताली बजाउने समय;- आज बेलुकी साँझ ६ बजे (लन्डनको समय अनुसार )

लन्डन, क्याप्टेन सर टम मूर को १०० वर्षको उमेरमा कोरोनाका कारण निधन भएको खबरले सारा बेलायत निवासी मात्र नभई विश्वले एउटा उदाहरणीय योद्धा गुमाएको महसुस गरेका छन् ।

कोरोना महामारीका बेला स्वास्थ्य कर्मी/ सेवाको लागि आफ्नै घरको गार्डेनमा १०० ल्याप्स हिँडेर एक हजार पाउण्ड संकलन गर्न सुरु गर्नु भएको सहयाेग अभियानमा स्वास्थ्य कर्मी/ सेवाको लागि करिब ३ करोड ३० लाख पाउण्ड चन्दा संकलन गर्न सफल हुनुभएको थियो ।
उनको हिजो भएको निधन पश्चात महारानी एलिजाबेथ द्वितीयबाट शोक व्यक्त गर्दै संवेदना म्यासेज पठाउनु भएको छ ।
त्यस्तै गरी बेलायती प्रधानमन्त्रीको कार्यालय टेन डाउनिङ्ग स्ट्रिटमा रहेको झण्डा आधा झुकाइएको थियो ।
स्वास्थ्य मन्त्री म्याट ह्यानककले सर टम मुरलाई राष्ट्रिय हिरोको संज्ञा दिएका छन् ।

सर टम मूरलाई गत बर्ष बेलायती महारानीबाट विशिष्ट सम्मान प्रदान गरिएको थियो ।
उनले सबै भन्दा बढी उमेरमा तथा विश्वमै सबै भन्दा बढी रकम एकलैले चन्दा संकलन गरे वापत गिनिज बुक वर्ल्ड रेकर्डमा आफ्नो नाम लेखाउन सफल हुनु भएको थियो ।

दोस्रो विश्व युद्दमा बर्माको युद्दमा सहभागी सर टम मुरलाई गत वर्ष कर्नेलद्वारा सम्मान गरिएको थियो ।
आज बेलुका साँझ ६ बजे ( फेब्रुवरी ३, लन्डनको समय ) बेलायतमा क्याप्टेन सर टम मूरको सम्मानमा ताली बजाउने कार्यक्रम् रहेको छ ।