Health

च्यानल लण्डन,—

गैर आवासीय नेपाली संघ यूके इंग्ल्याण्ड राज्य समन्वय परिषदको आयोजना तथा NRNA UK, Woolwich Arsenal Riders Club (WARC), Help Nepal Network तथा Nepali Youth Association UK को सहयोग तथा सहकार्यमा नेपालमा हेल्प नेपाल नेटवर्कद्वारा संचालित अनाथ बाल-बालिकाको सहयोग केन्द्र र बुद्ध फाउण्डेसन यूके द्वारा नेपालमा निर्माणाधीन बुद्ध-बृद्धाश्रमको सहयोगार्थ, लन्डनको Woolwich बाट Brighton सम्म ( ११० किलोमिटर भन्दा बढी )

करिब २५ जना सहभागी Cycle Ride for Charity को समुद्घाटन गैर-आवासीय नेपाली संघ यूके कि अध्यक्ष श्रीमती पुनम गुरुङ्गबाट भएको छ ।

कार्यक्रममा एनआरएनए इंग्ल्याण्ड राज्य परिषद् तथा बुद्ध फाउन्डेसन यूके अध्यक्ष दीपक श्रेष्ठ, क्याट यूके अध्यक्ष जीवन सेन, ह्यारी गुरुङ्ग, प्रसुना कँडेल, मञ्जु भण्डारी, मनिस श्रेष्ठ, सचिन श्रेष्ठ लगायतको सहभागिता रहेको थियो ।

कार्यक्रममा फस्ट एड प्रसुना कँडेल तथा राजन खकुरालले उपलब्ध गराउने भएका छन भने खाना तथा ड्रिंक्सको व्यवस्था जीत रानाभाट तथा दीपक श्रेष्ठबाट गरिने जनाइएको छ ।

ह्यारी गुरुङ्ग तथा प्रसुना कँडेलबाट प्राप्त: फोटो फिचर-

नाइजेरिया (जीएनएन) —

गैरआवासीय नेपाली संघको दोश्रो मोबाइल ब्लड बैंक बस परियोजनाका लागि अफ्रिकाका प्रख्यात उद्योगपति डा. सुधीर रुपारेलियाले रु दुई लाख पचास हजार बराबर सहयोग गरेका छन्।
एनआरएनएका पूर्व कोषाध्यक्ष हिक्मत थापाका अनुसार युगान्डाका उद्योगपति डाक्टर रुपारेलिया पूर्वी अफ्रिकाकै सबैभन्दा धनी व्यक्ति हुन् भने युगान्डाका लागि नेपालको मानार्थ वाणिज्यदूत पनि । “नेपाल र नेपालीलाई असाध्यै माया गर्ने रुपारेलियाले अफ्रिकाका नेपालीलाई अप्ठ्यारो पर्दा सधैं सहयोगको हात बढाउने गरेका छन्,” थापाले भने।

कर छुट सहित करिब ६१ लाख खरिद मूल्य पर्ने उक्त मोबाइल ब्लड बैंक बस परियोजनाका लागि हाल एनआरएनएले संसारभरबाट सहयोग जुटाइ रहेको छ । एनआरएनहरु, सहयोगी दाताहरु तथा डायस्पोरामा रहेका सुदूर पश्चिमवासीहरु यस अभियानमा क्रियाशील छन् । हालसम्म बीस लाख भन्दा बढीको सहयोग प्रतिबद्धता जुटी सकेको र सहयोग संकलन अभियान जारी रहेको थापाले जनाए ।
एनआरएनएले रक्त संकलनमा सहयोग पुर्याउने लक्ष्यसाथ यस अघि चितवन रेडक्रसलाई मोबाइल ब्लड बैंक बस हस्तान्तरण गरिसकेको छ भने दोश्रो बस सुदूर पश्चिम प्रदेशका लागि कैलाली रेडक्रस, धनगढीलाई हस्तान्तरण गर्ने योजना बनाएको छ ।

च्यानल लण्डन,

सेन्ट्रल लन्डनको मेफियरमा कोविडको नियम उल्लंघन गरी राति दुईवटा छुट्टाछुट्टै गैरकानूनी रुपमा पार्टी आयोजना गरेवापत ठूलो रकम जरिवाना गरिएको छ । सुराकीको आधारमा प्रहरीले अनुसन्धान गर्दा पार्टीमा सहभागीलाई ८०० पाउण्डका दरले तथा आयोजकलाई १०हजार पाउण्ड जरीवाना गर्ने निणर्य गरेको छ । सरकारले जारी गरेको कडा नियमको उल्लंघन गरेको पाइएकाले ६५हजार पाउण्ड ( सालाखाला १करोड रुपैयाँ ) भन्दा बढी जरिवाना गरिने भएकोछ । बेलायत सरकारले चार चरणमा गरी जुन २१ तारिकमा सबै खाले लक्डाउन खोल्ने योजना रहेकोछ ।

बेलायतमा हालैका दिनमा कोरोना भाईरसको प्रभाव कम हुँदै गएकोछ भने सरकारले खोप तीब्र रुपमा दिन सुरु गरेकोछ। बेलायती स्वास्थ्य मन्त्री म्याट ह्यानकक का अनुसार अहिले सम्म बेलायतमा २ करोड भन्दा बढी व्यक्तिलाई कोरोना भाईरस विरुद्दको पहिलाे खोप लगाई सकिएको जनाएका छन् । पहिलो चरणमा हेल्थ/केयर वर्कर, उमेर तथा प्रार्थमिकताको आधारमा खाेप लगाइँदै आएकोछ । दोस्रो चरणमा पनि क्रमश ४०-४९, ३०-३९ वर्ष उमेरको आधारमा खोप दिइने भएकोछ ।

प्रतिदिन सरदर ५ लाख ब्यक्तिलाई कोरोना विरुद्दको खोप दिन थालिएको छ । सरकारले आफ्नो लक्ष्य अनुसार खोप दिने कार्य पूरा गर्दै आएकोछ।

च्यानल लण्डन,

बेलायती प्रधानमन्त्री बोरिस जोन्सनले आफ्ना नागरिकलाई अत्ति आवस्यक वा जरुरी वाहेक अन्य अबस्थामा मे महीनाको १७ तारिक सम्म विदेश भ्रमण वा विदेशमा विदा मनाउन जान अनुमति नदिईने जनाएका छन । घरेलु भ्रमणमा अप्रिल १२ सम्म प्रतिबन्ध कायमै रहनेछ ।

बेलायत सरकारले हप्ता भित्र “भ्याक्सिन पासपोर्ट एप” प्रयोगमा ल्याउने भएको छ । जस्मा होल्डरले दुबै पटक कोरोना बिरुद्धको खोप प्राप्त गरेको देखाउनेछ ।

सम्बन्धित व्यक्तिले खोप लगाए पछि “डिजिटल भ्याक्सिन पासपोर्ट एप” मा डाउनलोड गरिएको तस्वीर/फोटोलाई व्यक्तिको परिचयको आधार मानिने छ ।

उक्त व्यक्तिले Covid19 बिरुद्धको खोप लगाएको तथा कोरोना सम्बन्धि रिपोर्ट समावेस गरिएको हुनेछ । भ्याक्सिन पासपोर्टमा उक्त व्यक्तिको बारेमा अन्य जानकारी समावेस गरिने छैन ।

विभिन्न हवाई सेवा तथा देशहरुले मान्यता दिन सुरु गरेको यस प्रकारको पासपोर्टले विदेश भ्रमण वा विदेशमा छुट्टीमा जानको लागि सहज बनाउने विश्वास गरिएकोछ ।

बेलायतमा अहिले सम्म १ करोड ८० लाख भन्दा बढी ब्यक्तिले कोरोना भाईरस विरुद्दको खोप लगाई सकेका छन्।

बेलायतमा चार चरण गरी जुन २१ बाट सबै खाले लक्डाउन हटाउने योजना रहेकोछ ।

च्यानल लण्डन

बेलायतले ‘रेड-लिस्ट” मा राखेको वा कोरोनाले बढी प्रभावित भएका विश्वका ३३ देशबाट सोमबार अर्थात फेब्रुअरी १५ तारिखबाट बेलायत प्रवेश गर्ने नागरिकले १० दिनको लागि होटलमा क्वारेन्टाइन बस्नु पर्ने अनिवार्य व्यवस्था गर्ने भएको छ ।

बेलायत सरकारबाट स्वीकृत गरेको स्थानमा रहन दश दिनको लागि १७५० पाउण्ड अर्थात् करिब २लाख ७० हजार रुपैयाँ तिर्नु पर्ने हुन्छ । उक्त नियमको उल्लंघन गरेमा १० वर्ष सम्म जेल बस्नु पर्ने छ । गलत जानकारी दिएमा वा ढाँटेमा ५ देखि १० हजार पाउण्ड सम्म जरिवाना हुन सक्ने कडा नियम लागु गरिने भएको छ ।

बेलायत सरकारले फेब्रुवरी १५ सम्ममा १ करोड ५०लाख जनालाई कोरोना बिरुद्दको खोप दिने लक्ष्य रहेको छ । गत महिनाको तुलनामा कोरोना महामारी तथा मृत्यु दर घटेकाले अहिले कायम रहेको कडा लक्डाउन अर्को हप्ताबाट पुनरावलोकनको तालिका बनाउने संकेत देखिएको छ । पहिलो चरणमा अहिले बन्द रहेको स्कूलहरु सञ्चालनमा ल्याउन प्रयास गरिनेछ ।

कोरोना महामारीका कारण वेलायतको अर्थतन्त्र नराम्रो संग प्रभावित भएको छ भने बेरोजगारी बढदै गएको छ । लक्डाउनका कारण अत्ति आवश्यक बाहेक सबै व्यवसायहरु बन्द रहेकाछन। बिशेष गरी होटल व्यवसाय तथा पर्यटन क्षेत्रमा अझै बढी प्रभावित भएको देखिन्छ ।

निम्न उल्लेखित विभिन्न मुलुकबाट बेलायत प्रवेश गरे अनिवार्य रुपमा १० दिन क्वारेन्टाइन बस्नु पर्नेछ । नबसे जरीवाना तथा जेल संजाय गरिने भएकोले नियम र कानुनको पालना गर्न सवैमा अनुरोध गरिएकोछ।

च्यानल लण्डन

क्यानेडियन व्लड सर्भिसको सहयाेग तथा एन आर एन ए क्यानडा, बाग्लुङ सेवा समाज, नेप्लीज ब्लड डोनर्स एसोसिएसन क्यानडाको संयुक्त आयोजनामा अप्रिल १० र १२ अर्थात नेपाली नयाँ बर्षको उपलक्ष्यमा ब्यापक रक्तदान गर्ने तयारी हुँदैछ ।

रक्तदान गरी क्यानेडियन नेपाली समुदायलाई गौरवान्वित तुल्याउन तथा रक्तदानमा सहभागी हुन सम्पुर्ण गैरआवासीय नेपालीहरु, संघ संस्थाका प्रतिनिधिहरु, स्वयं सेवक तथा रक्तदाताहरूहरुलाई आव्हान गरिएकाे जानकारी नेप्लिज ब्लड डोनर्स क्यानाडाका महासचिव लीलानाथ पाण्डेले जनाउनु भएको छ ।

क्यानेडियन व्लड सर्भिसले गत अक्टोबरमा स्थापित संस्था नेप्लिज ब्लड डोनर्स एसोसिएसन ( एनविडीए ) क्यानडालाई नेसनल पार्टनर्स चयन गरेको छ । क्यानेडियन ब्लड डोनर्स एसोसिएसनको पहलमा क्यानडामा रहेका नेपाली समुदायको लागी क्यानेडियन ब्लड सर्भिसले एउटा पार्टनर फर लाईफ ( पिएफएल ) नम्वर प्रदान गरेको छ । जुन यस प्रकार ;-(NEPA0092756) छ ।

क्यानडाको जुनसुकै सिटीमा बस्ने नेपालीहरुले रक्तदान गर्दा यो नम्वर प्रयोग गरेर रक्तदान गर्न सक्नु हुनेछ । यसो गरेमा सम्पुर्ण क्यानडामा बसोबास गर्ने नेपालीहरुले गरेको रक्तदान पिएफएल नम्वरमा रेकर्ड हुन जान्छ र रक्तदानको क्रेडिट नेपाली समुदायले पाउने छन । जसका कारण नेपाली समुदायले क्यानेडियन समुदायका लागी गरेको मानविय कार्यको गतिलो उदाहरण प्रस्तुत गर्न सकिने संस्थाले जनाएको छ ।
पिएफएल नम्वरमा लगइन गर्नको लागी लिंक यस प्रकार छ ।
:https://myaccount.blood.ca/en/profile/groups?joinPflId=NEPA0092756

नेपाली समुदायबाट रक्तदानको क्षेत्रमा उल्लेखनिय योगदान पुऱ्याउने व्याक्तित्वलाई एनविडिएको सिफारिसमा सिविएसले अवार्ड प्रदान गर्न सक्नेछ ।

अन्तमा सम्पुर्ण क्यानडाबासी नेपाली रक्तदाताहरुले व्यक्तिगत तथा सामुहिक रक्तदान गर्नु परेमा माथीको लिंक प्रयोग गरि रजिष्टर गर्न एनविडिए क्यानडा अध्यक्ष सुरेश राज गाैतम, एनआरएनए क्यानडा अध्यक्ष चिरन घिमिरे तथा बाग्लुङ सेवा समाज क्यानडाका अध्यक्ष भवि न्यौपानेले हार्दिक अनुरोध गर्नु भएको छ ।