Archive

बिष्णु गुरुङ लण्डन बरो अफ हउन्स्लोको ह्यान्वर्थ पार्क वार्डबाट सन् २०२२-२६ का लागि तेस्रो पटक २सय ६८ मतको अन्तरले काउन्सिलरमा विजयी भएका छन ।

बेलायतको प्रतिपक्षी लेबर पार्टीबाट उम्मेदवार बनेका गुरुङले १हजार ३७ मत प्राप्त गरि बिजयी भएका हुन।
उक्त वार्डमा उनी संगै लेबर पार्टीबाट अर्का काउन्सिलर उम्मेदवार फराह कमरनले ९ सय ८३ मत प्राप्त गरि विजयी भएकी छिन ।
उनका प्रतिद्वन्द्वी कन्जर्भेटिभ पार्टीको उम्मेदवारले ७ सय ६९ मत प्राप्त गरेकी थिइन् । ईङ्ल्याण्डमा १४६ काउन्सिलमा ४हजार ३सय भन्दा बढी काउन्सिलरको लागि बैशाख २२ गते अर्थात मे ५ तारिकमा स्थानीय निर्वाचन भएको हो।

लण्डन बरो अफ हउन्स्लोमा २२ वटा वार्ड छन् जहाँबाट ६२ जना काउन्सिलरहरु निर्वाचित हुने गर्दछन। उक्त काउन्सिलमा ५२ जना लेबर काउन्सिलर तथा १० जना कन्जर्भेटिभ काउन्सिलर बिजयी भएका छन । हउन्स्लो काउन्सिलको सम्पुर्ण मतगणना लण्डनको ट्विकेनहैम रग्बी स्टेडियममा भएको थियो । मतगणना स्थलमा मिडिया /पर्यवेक्षकको रूपमा पत्रकार एभरेष्ट गौतम समेत सहभागी रहेका थिए ।

रिटायर ब्रीटिश आर्मीबाट वेलायतको राजनीतिमा प्रवेश गरेका ऊनी यस अघि सन २०१४/१५ का लागि लण्डन बरो अफ हउन्स्लोमा उप मेयर तथा सन २०२१/२२ का लागि उक्त बरोमा ५६औं मेयर बनेका हुन । मेयरको एक बर्षको कार्यकाल मे महिनाको अन्तिम तिर सकिदैछ । बेलायतमा अधिकांस काउन्सिलमा मेयर तथा उप मेयरको छनोट उक्त बरोमा रहेका काउन्सिलरहरुको बहुमतबाट हुने गर्द्छ। यसरी छनोट हुने मेयर तथा उप मेयरहरु प्रत्येक एक बर्षका लागि हुने गर्द्छन।
प्रत्येक्ष चुनावबाट निर्वाचित मेयर तथा उप मेयर भने ४ बर्षका लागि हुने गर्दछ।

यो विजय संगै काउन्सिलर बिष्णु गुरुङलाई पुन: मेयर बन्नको लागि ढोका खुल्ला भएको छ । तर उनी तत्काल प्रतिस्पर्धामा गएर पुनःमेयरको दाबी गर्ने पक्ष भने देखिदैनन ।

पेशाले उनी बस ड्राईभर हुन। राजनीति उनको सामाजिक सेवा तथा प्रतिस्ठा संग जोडिएको बताउदै आएका छन । साथै उनी सेवारत तथा रिटायर ब्रीटिश आर्मीको लागि “द आर्मी फोर्स च्यारिटी” मार्फत सहयोग गर्दै आएका छन ।
चुनाव प्रचारप्रसारको क्रममा सहयोगी तथा शुभ चिन्तक सम्पुर्णलाई उनले हार्दिक धन्यवाद व्यक्त गरेका छन् ।

सुरेन रुपाखेती, लण्डन, बेलायतती प्रधानमन्त्री बोरिस जोनसनले भारतको दुई दिने भ्रमण गर्ने भएका छन ।
बैशाख ८ र ९ गते भारत भ्रमणको क्रममा दुई देश बीचको ब्यापार, प्रबिधि, सुरक्षा, सम्बन्ध सुदृढ तथा प्रमुख उद्योगहरूमा लगानीको घोषणा गर्ने विषयमा केन्द्रित हुनेछ्न।

त्यस्तै गरि बेलायती प्रधानमन्त्री बोरिश जोन्सन तथा भारतीय प्रधानमन्त्री नरेन्द्र मोदि बीच रुस-युक्रेन युद्ध तथा हालैका दिनमा भारतले संयुक्त रास्ट्र संघमा खेलेको तठस्ट भुमिका बैठकमा अर्को प्रमुख एजेन्डा रहने बिश्वास गरिएको छ ।

बेलायती प्रधानमन्त्रीको भारत भ्रमणको पहिलो दिन बिहीबार अप्रिल २१मा गुजरात जाने कार्यक्रम रहेको छ । त्यहाका प्रमुख व्यवसायीहरूसँग बेलायत र भारतमा फस्टाउँदै गएको नयाँ बिज्ञान तथा प्रबिधि परियोजना, व्यापार तथा सम्बन्धका बारेमा छलफल गरिने भएको छ।
बेलायतमा लगभग १६ लाख बृटिश-ईन्डियन रहेकोमा भारतको ५औं ठुलो गुजरात राज्यबाट मात्र आधा अर्थात लगभग ८लाख छन । गुजरातिहरुको ठुलो बस्ती बेलायतमा भएकाले बेलायती प्रधानमन्त्रीको गुजरात भ्रमण यो पाचौं पटक हुनेछ ।
प्रधानमन्त्री बोरिस जोनसनले गत महिना भारतीय प्रधानमन्त्री नरेन्द्र मोदीसँग वार्ता गरी आगामी दिनमा दुई देशबीच सुरक्षा तथा व्यापार सम्बन्ध निर्माण गर्न सहमत भएका थिए । भारतीय कम्पनीहरूको लगानीले बेलायतमा लाखौं ब्यक्तिहरुलाई रोजगारी दिलाएका छन ।

भविष्यमा हुने स्वतन्त्र व्यापार सम्झौताले अझै बढावा दिने अपेक्षा समेत गरिएको छ।
बेलायत तथा भारत बीच संयुक्त वक्तव्य मार्फत दुबै रास्ट्रले एकजुट हुन जोड दिने अपेक्षा समेत गरिएको छ।
बेलायती प्रधानमन्त्री बोरिस जोह्न्सन, प्रधानमन्त्री भए पछिको पहिलो तथा लामो समय देखि अपेक्षित भारत भ्रमण हो।
गत बर्ष भारतको गणतन्त्र दिवस समारोहमा प्रमुख अतिथिको रूपमा आमन्त्रित भएता पनि कोरोना महामारीका कारण यस अघिको भारत भ्रमण रद्ध भएको थियो।
हालैका बर्षहरुमा बेलायतका प्राय सबै जसो बहालवाला प्रधानमन्त्रीबाट छिमेकी मुलुक भारतको भ्रमण हुने गरेको छ। तर कुनै पनि बहालवाला बेलायती प्रधानमन्त्रीबाट नेपालको भ्रमण भएको छैन।
नेपाल र बेलायत बीच दौत्य सम्बन्ध स्थापना भएको २सय बर्षमा, अहिले सम्म एक पटक पनि नेपालको भ्रमण नहुनुको पछाडी, कुटनैतिक पहुँच नपुगेको देखिन्छ ।
नेपालको दिगो बिकाशका लागि, बिश्वका विभिन्न देश संग ब्यापार, पर्यटन, लगानी तथा परराष्ट्र सम्बन्धमा सुधार हुन जरुरत देखिएको छ ।

सुरेन रुपाखेती, लण्डन, बेलायत सरकारले अबैध बाटो हुँदै जनवरी १बाट बेलायत प्रवेश गर्ने गैरकानुनी आप्रवासी अर्थात इल्लेगल माइग्रेन्टहरुलाई बेलायतबाट ६हजार किलोमीटर टाढा अफ्रिकन रास्ट्र रुवान्डा पठाउने भएको छ ।
बेलायती गृहमन्त्री प्रीति पटेल तथा रुवान्डाका बिदेश मन्त्री भिन्सेन्ट बिरुटा बीच बिहिवार एक सम्झौतामा हस्ताक्षर भएको छ ।
आप्रवासीहरुलाई मानवीय संरक्षणको जरुरत भएमा, मानव अधिकारको खोजीमा रुवान्डामा सरणार्थीको लागि निवेदन दिन सक्नेछन् ।
जस्का लागि सुरुमा बेलायत सरकारले १सय बीस मिल्लियन अर्थात करिब २अरब रुपैयाँ दिने जनाएको छ ।
फ्रान्सबाट इङलिस च्यानल हुँदै दैनिक सयौं आप्रवासीहरु अबैध बाटो हुँदै, डुंगा तथा लहरीबाट बेलायत प्रवेश गर्न थालेका छन् । अधिकांस अर्थात ९८%ले शरणार्थीको लागि निवेदन गर्ने गरेको देखिन्छ ।
हाल बेलायतमा रहेका लाखौं शरणार्थीहरुको लागि दैनिक ५मिल्लियन पाउण्ड सरकारले खर्च गर्ने गरेको देखिन्छ ।

बेलायत सरकारको गैर कानुनी आप्रवासीहरुलाई रुवान्डा पठाउने योजनाको, मानव अधिकार कर्मी, शरणार्थी तथा च्यारिटी संस्थाहरु, बेलायत तथा रुवान्डामा बिबादास्पद तथा अस्पष्ठ निर्णय भन्दै कडा रूपमा आलोचना हुन थालेको छ ।
तत्काल गरेको एक सर्वेक्षण अनुसार सरकारी निर्णय संग ६०% बेलायती जनता असहमत रहेको छ।
गत बर्ष फ्रान्सबाट इङलिस च्यानल हुँदै अबैध तथा गैर कानुनी रूपमा करीब तीस हजार आप्रवासीहरु बेलायत प्रवेश गरेको बिश्वास गरिएको छ । यो बर्ष ६०हजार प्रवेश गर्न सक्ने अनुमान गर्दै बेलायत सरकारले थप कडाई गर्ने भएको छ ।
अहिले बेलायतमा करिब ५लाख गैर कानुनी आप्रवासी रहेको बिश्वास गरिएको छ् । यत्ति नै छन भनी एकिन गर्न सरकारलाई हम्मे परेको देखिन्छ ।
गत चुनावमा बेलायतको सत्तारुढ कन्जर्भेटिभ पार्टीले लाखौं आप्रवासीबाट घटाएर दशौ हजारमा ल्याउने घोषणा पत्र जारी गरेको थियो । त्यसैलाई मध्य नजर गर्दै सरकारले कडा नियम ल्याएको हुन सक्ने जनाइएको छ ।
अर्कोतिर प्रधानमन्त्री बोरिश जोह्न्सनले आप्रवासीहरुको लागि ढोका बन्द गर्न खोजेको नभई, अबैध बाटोबाट प्रवेश गर्ने आप्रवासीहरूलाई नियन्त्रण गर्न खोजेको उल्लेख गरेका छन ।

रघुवर रामको शरण पर्दछु पाउ परी
दशरथ लालमा अदब अर्पण भक्ति गरी
प्रभु अवतार हौ सुख प्रदायक हौ जगका
निरुपम नाथ हौ सकस नाशक हौ सबका~१

जय अवधेशको जय धनुर्धर शाश्वतको
जय जय जानकी पतित पावन वल्लभको
हितकर हौसला सुख सुभाव सुगन्ध सुधा
सुललित सौम्यता परम देव प्रकाश प्रभा~२

निशिदिन वन्दना हनुमदाश्रय पारगमा
प्रतिपल प्रेमले शिर झुकाउँछु पारसमा
ऋषिमुनि हर्षमा शर प्रहार दशाननमा
दुरित समाप्तले जन कृतज्ञ जनार्दनमा~३

गुरु गुण गायकी पितरकाप्रति निष्ठ नति
विवरण वेदका अटल स्नेह छ भाइ प्रति
प्रणत परेषमा प्रण पयोनिधि प्राणदमा
परम पराक्रमी परम पूज्य परात्परमा~४

असुर विनाशले कहर कष्ट गयो भवको
अतुलित कर्मले मगन भो मन मानवको
लवकुश लायकी ललित कीर्ति छ लोकभरि
दिनकर दीनका सरस साथ सुबास छरी ~५

पशुपति पौरखी विधु विरंची पितामह हौ
सम समकक्षका त्रय महाप्रभु सार्थक हौ
नियमित नामका नव प्रभात नवाह तिमी
नगधर नादका सुर सुमेरु प्रवाह तिमी~६

सजधज साजका सुमन सौरभ सारवती
सहृदय सादगी दृढ विचारक उच्च अति
भवभय हर्दछौ नमन योग्य युगौँयुगका
प्रबल प्रभावका धरणि धीर धरातलका~७

जय करुणा निधे भर भरोस चराचरको
सविनय साधना प्रिय प्रवीर प्रियङ्करको
रघुकुल दीपको सदय शेखर सागरको
अविरल प्रार्थना रजत रोशन राघवको~८ (नर्कुटक छन्द)

-कोमल भट्ट
चन्द्रागिरि नगरपालिका,
वा.नं.१३ -पुरानो नैकाप
काठमाडौँ
हाल :- न्युयोर्क,अमेरिका

बिष्णु गुरुङ लण्डन बरो अफ होउन्स्लो काउन्सिलको ह्यान्वर्थ वार्डमा लेबर पार्टीको तर्फबाट अर्को पटक पनि काउन्सिलरको उम्मेदवार बनेका छन ।
सन २०१४ देखि काउन्सिलर निर्वाचित हुँदै आएका उनी उप-मेयर हुँदै सन् २०२१/२२ का लागि लण्डन बरो अफ होउन्स्लोको मेयर पदमा निर्वाचित भएका थिए । इङ्ल्यान्ड्मा राजनैतीक रूपमा उच्च औहदामा रहेका नेपाली मूलका हाल बहालवाला मेयर उनी एक मात्र रहेका छन् ।

हङकङ, ब्रुनाई, सिंगापुर र बेलायतमा समेत सेवा गरिसकेका
रिटायर ब्रिटिश गोर्खा आर्मी ( स्टाफ सर्जेन्ट) बाट वेलायतको राजनैतिक दल लेबर पार्टीबाट सक्रिय गुरुङ, पेशाले उनी बस ड्राइभर हुन ।

इङ्ल्यान्डमा मे ५तारिकमा हुन गइरहेको स्थानिय चुनाबका लागि विभिन्न राजनैतिक दल तथा उम्मेदवारहरु प्रचारप्रसारमा ब्यस्त देखिन थालेका छ्न ।
ग्रेटर लण्डन तथा लण्डन बाहिर १४६ काउन्सिलमा ४हजार भन्दा बढी काउन्सिलरको लागि निर्वाचन हुँदैछ।

संयुक्त अधिराज्यमा करिब २० हजार काउन्सिलर छन जस्मा सत्तारुढ कन्जर्भेटिभ पार्टीबाट निर्वाचित ७ हजार भन्दा बढी छन भने प्रतिपक्षी लेबर पार्टीबाट निर्वाचित करिब ६ हजार छन ।
हालैको यु-गभ-पोलको एक सर्वेक्षण अनुसार आगामी स्थानीय चुनावमा लेबर पार्टीले ३६% प्रतिशत, कन्जर्भेटिभ पार्टीले ३५% तथा लिबरल डेमोक्रेटिक पार्टीले ९% काउन्सिलर जित्न सक्ने अनुमान गरेको छ ।