म्यूजिक भिडियो "सुनै सुनको तिलहरी" लिएर आए गायक : प्रदीप कार्की
च्यानल लण्डन,—
गायक प्रदिप कार्कीले आफ्नो एघारौं म्यूजिक भिडियो “सुनै सुनको तिलहरी” लिएर पुन एकपटक श्रोता माझ आएका छन।
मार्च १२मा आफ्नै युट्युब च्यानल मर्फत सार्बजनिक गरिएको “सुनै सुनको तिलहरी” म्युजीक भिडियोमा अहिलेका चर्चित नायक तथा मोडेल आकाश श्रेस्ट, स्टार मोडेल उशा उप्रेतिले अभिनय गरेकी छन ।
आफ्नो पछिल्लो गीत “यो जिन्दगीलाई” श्रोताहरुले मन् पराएकोमा अझै हौसला प्राप्त गरेको विचार राख्दै आएका छन्।
श्रोता माझ लोकप्रिय तथा अहिले चर्चामा रहेका संगीतकार दिपक शर्माको रचना अनि संगीत रहेको गीतमा गायिका बेनिशा पौडेलले गायकलाई साथ दिएकी छन ।
नरेन्द्र बियोगिले व्यवस्थापन गरेको संगीत साह्रै रोमान्टिक तथा श्रोताहरुले भरपुर मनोरन्जन लिने बिश्वास गरिएको छ ।
हरी हुमागाईंको सिनेमेट्रोग्रफीमा खिचेको भिडियोलाई बिधान कार्किले निर्देशन गरेका छन ।
युबा जोडिको प्रेम प्रस्ताबको कथामा आधिरित गीत मनोरञ्जन पूर्ण तथा डान्स प्रेमीहरूका लागि पनि उत्तिनै रोमान्टिक रहेको देखिन्छ ।
गीतको साङ्गीतिक काम नेपालमा भएता पनि गायक प्रदीप कार्कीको आवाज भने बेलायतमा रेकर्ड गरिएको हो ।
प्रदीप कार्की प्राय मार्मिक अनि सुगम संगीत धारको गीत गाउने गायकको रूपमा परिचित छन् । यो गीत पनि दर्शक/श्रोताको रुचीकै कारण लिएर आएको जनाएका छन्।